Бөлүмдөр
Ишемби, 25-май
Нарын облусуАт-Башы району 15.03.2019 09:13

Айыл турмушу: Баатыр эне Н.Айдыралиеванын апасы 17 балалуу болгон (сүрөт)

Turmush -  Ат-Башы районуна караштуу Кара-Суу айылынын 57 жаштагы тургуну Нургүл Айдыралиева «Баатыр эне» наамын алган. Анын апасы да 17 бала төрөп, баатыр эне болгон. Аны менен аймактык кабарчы таанышты.

Нургүл Айдыралиева 1962-жылы 7-апрелде Ат-Башы районунун Кара-Суу айылында туулган. 1985-жылдан 2000-жылга чейин Ат-Башы районундагы каржы бөлүмүндө секретарь-машинист, Ат-Башы райондук санитардык-эпидемиологиялык бекетинде кассир, секретарь-машинист болуп иштеген. 2011-жылдан баштап Ат-Башы райондук тез жардам бөлүмүндө кенже кызматкер болуп эмгектенип келет. Үй-бүлөлүү, 7 баланын энеси, 6 небереси бар.

«Иштеп жүргөн киши үйдө бош отура албайт экен. 2011-жылдан бери Ат-Башы райондук тез жардам бөлүмүндө кенже кызматкер болуп иштеп келе жатам. Азыр балдарым иштебей эле коюңуз дешет. Бирок кыймыл-аракетке карап эле иштеп жатам. Үйдө отуруп калсам эле башкача болуп калам. Балдарым өз жолдорун табышты. Кичүү уулум 10-класста окуйт.

20 жашымда турмушка чыгып, 21 жашымда төрөдүм. Өзүмдүн классташыма турмушка чыктым. 6 айлык кезимде мени таенем менен таятам багып алышыптыр. Апам 17 бала төрөптүр. Мени “апаңдай болуп көптү төрөдүң, апаңа дагы аябай окшошсуң” деп калышат», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×