Бөлүмдөр
Дүйшөмбү, 21-январь
Жалал-Абад облусуАла-Бука району 09.11.2018 14:01 На русском

Москвада поезд сүзүп кеткен кыргызстандык жигиттин сөөгүн алып келүүгө туугандары жардам сурайт

Turmush -  Москва шаарында поезд сүзүп каза болгон 21 жаштагы жарандын сөөгүн Кыргызстанга алып келүүгө туугандары коомчулуктан жардам сурайт.

Москвадагы кыргыз диаспарасынын өкүлү Улан Кошматовдун маалыматына караганда, кырсык 5-ноябрда каталган. Анда кыргыз жараны Садырбай уулу Улукбек жумуштан кеч чыгып, үйүнө баратып, темир жолдон өтүп жатканда поезд сүзүп кеткен. Ал тез жардам кызматы менен Москвадагы №67 ооруканага жеткирилген. Алган жараатынан улам жана кан көп жоготкондуктан ооруканада каза болгон.

Улукбек Жалал-Абад облусунун Ала-Бука районунда 1997-жылы туулгандыгы аныкталган. Ал үй-бүлөдө жалгыз уул болгон. Атасы буга чейин каза тапкан. Ал апасы, эжелери болуп Москва шаарында иштеп жүргөн.

«Азыр маркумдун сөөгү Москвадагы №5 соттук өлүкканада турат. Сөөктү тез арада уруксат кагаздары чогултулган соң, Москва—Ош багыты боюнча Кыргызстанга узатышыбыз керек. Сөөктү узатууга маркумдун жакындарында шарт жок болгондуктан, алар коомчулуктан жардам сурайт», - дейт Улан Кошматов.

Каражат чогултуу үчүн банктык эсеп: 4279380019172826

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×