Бөлүмдөр
Жекшемби, 18-ноябрь
Баракелде, Бишкек 06.11.2018 16:03 На русском

2026-жылы Кумтөр жабылат, - премьер Мухаммедкалый Абылгазиев

Turmush -  2026-жылы Кумтөр жабылат. Бул тууралуу бүгүн, 6-ноябрда өкмөттүн кезектеги отурумунда премьер-министр Мухаммедкалый Абылгазиев билдирди.

Анын айтымында, мындай жыйынтыкты эл аралык эксперттер берүүдө.

«Кумтөрдүн жабылышы Кыргызстандын экономикасына терс таасирин тийгизбейт. Экономикага коркунуч жаралбайт. Бул убакта Кыргызстанда аналогиялык ишканалар ачылат», - деди ал.

Премьердин билдирген маалыматына караганда, 9 айдын жыйынтыгы боюнча мамлекеттик бюджетке салык менен бажыдан 10 млрд сом түшкөн.

«Биз инвесторлорго жагымду шарттарды түзүп беришибиз керек. Ишкер-акыйкатчы боюнча маселени эртерээк чечишибиз керек. Ал сөзсүз болушу зарыл. Ишкер-акыйкатчы ишкерлер менен инвесторлордун, экономикага салым кошкон адамдардын укуктарын коргойт. Ишкер-акыйкатчы боло турган адам ишкерчиликтин табиятын жакшы түшүнүшү керек. Биз бул институтту түзүүнү убадалаганбыз», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×