Бөлүмдөр
Ишемби, 15-декабрь
Чүй облусуАламүдүн району 10.10.2018 16:07 На русском

Бир тууган өспүрүмдөр жоголду: Унаасы табылып, өздөрү дайынсыз болууда (фото)

Turmush -  Аламүдүн районунда дайынсыз жоголгон жаш жигит менен 2 кыз изделип жатат. Бул тууралуу Чүй ОИИБден билдиришти.

Маалыматка караганда, Аламүдүн РИИБге А.А. аттуу адам кайрылып, 2000-жылы туулган уулу Султанов Ырысбек Максүталиевичти, 1999-жылы туулган кызы Максүталы кызы Альбинаны жана 2001-жылы туулган тууганы Канат кызы Алинаны табууга жардам сураган. Алар 17-сентябрда Аламүдүн районунун Кырман конушунун Мадиев көчөсүндөгү үйдөн кочкул көк түстөгү «Мерседес-Бенц 210» үлгүсүндөгү унаа менен чыгып кеткен боюнча кайрылып келишкен эмес. Кийин аталган унаа Келечек жаңы конушунан табылып, бирок жоголгон өспүрүмдөр дайынсыз бойдон калган.

Султанов Ырысбек Максүталиевичтин белгилери: боюнун узундугу 160-162 см, арык дене түзүлүштө, чачы кара, көзү күрөң түстө.

Максүталы кызы Альбинанын белгилери: боюнун узундугу 150-155 см, арык дене түзүлүштө, чачы кара, көзү күрөң түстө. Өзгөчө белгиси — денесинде аппендицитке жасалган операциядан калган тагы бар.

Канат кызы Алинанын белгилери: боюнун узундугу 150-155 см, орто дене түзүлүштө, чачынын, көзүнүн өңү кара-күрөң түстө.

Милиция аталган адамдар жөнүндө маалымат билгендер болсо Аламүдүн РИИБге 0(312) 36-35-27, 0(312)36-35-23, 0(550) 51-09-05, 0(704) 31-25-05, 0(552) 90-91-63 же 102 номурлары аркылуу кабарлап коюуну өтүнөт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×