Бөлүмдөр
Жекшемби, 18-ноябрь
Чүй облусуПанфилов району 11.07.2018 11:29

Жаш талант: Мушкер А.Мукашев эл аралык мелдеште 1-орунду багындырды (фото)

Turmush -  Чүй облусунун Панфилов районуна караштуу Киров айылынын 17 жаштагы тургуну Айдарбек Мукашев 4 жылдан бери кикбоксинг, бирма боксу, тай бокс жана эрежесиз эр мушташ менен машыгып келет. Аны менен аймактык кабарчы таанышты.

«Мен 6-классымдан бери спорт менен машыгып келем. Күндүз мектептен келгенден кийин үйдө ата-энеме жардам берип, мал тейлеп, кечинде айылдагы спорт залга барып машыгып турам. Жакында эле Ысык-Көл облусунда өткөн эл аралык мелдеште бирма боксу боюнча биринчи орунду багындырып алдым. Анда 55 салмакта чыгып, чемпион болдум. Мындан мурун да көптөгөн мелдештерге катышып келгем. Жалпы 4 коло, 4 күмүш, 5 алтын медалым бар», - деди ал.

Айдарбек Мукашев: «Бул окуя эч эсимден кетпейт. Менимче көпкө чейин эстеп жүрсөм керек. Бишкектеги спорттук клубдун бир спортчусу менен мелдешке чыккам. Калыстар тобунда анын тааныштары экен. Негизи мелдеште 3 раунд бар. Мен аны 3 раундда теӊ жеӊип чыксам да, калыстар тобу 4-5-раунд беришти. Менин бети-башым көк ала жана жеӊилип калчудай болуп калсам да, аягына чейин көгөрүп мушташа бердим. Калыстар тобу тиги балага аябай жан тартышты. Акырында залдагы көрөрмандар кыйкырып ызы-чуу салып жиберишкенде, айла жок мага жеӊишти беришкен», - деп кошумчалады.

Айдарбек Мукашев 2001-жылы Панфилов районунун Киров айылында төрөлгөн.

«Үй-бүлөдө 3 бир туугандын ортончусумун. Менден кийинки иним да спорт менен машыгат», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×