Бөлүмдөр
Жекшемби, 22-июль
Баракелде

Кастамону шаарынын биринчи вице-мэри жана Кастамону университетинин ректору Бишкекте активист жаштар менен жолугушту (сүрөт)

Turmush -  Бишкек шаарында Түркия Республикасынан келген делегация менен Кыргыз Республикасынын жаштар уюмдарынын, жаш ишкерлердин, коомдук активисттердин өкүлдөрүнүн жолугушуусу болуп өттү. Эки тараптуу жолугушуу 5-июлда Кыргыз Республикасынын Президентине караштуу Мамлекеттик башкаруу академиясында уюштурулган.

Бул иш-чарага Түркия тараптан Кастамону университетинин ректору, профессор Сейит Айдын, Кастамону шаарынын биринчи вице-мэри Ахмет Севгилиоглу жана аталган университеттин окутуучусу, теология илимдеринин доктору Кудрет Артыкбаев катышты, деп билдирди иш-чараны уюштурган «Kyrgyz Youth – Кыргызстан жаштары» эл аралык клубунун түзүүчүсү Мырзахит Мырзаев.

Жолугушууда кыргыз жаштарынын Түркия Республикасында билим алуу мүмкүнчүлүктөрү талкууланып, жаштар уюмдары менен кызматташууга макулдашышты. Жолугушуунун жыйынтыгында 2018-жылы Көчмөндөр оюндарынын алкагында Кастамону университети менен Кыргызстандын Мамлекеттик башкаруу академиясы илимий конференция өткөрүү чечимин кабыл алышты. Андан сырткары «Көчмөн-Nomad» фондуна Кастамону университети тараптан эски Орхон-Энесай түрк жазууларын жайылтуу жана үйрөтүү жаатында иштешүү сунушталды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 949
Комментарии
Для добавления комментария необходимо быть нашим подписчиком
Көп окулду
×