Бөлүмдөр
Бейшемби, 13-декабрь
Ош облусу, Ош 06.07.2018 11:28 Жаңыланды: 06.07.2018 12:31

Оштогу футбол талаада «Алай» менен «Кара-Балтанын» беттеши 2:1 эсебинде аяктады

Turmush -  Футбол боюнча Кыргызстандын кубогунун алкагында Оштун «Алай» клубу менен Кара-Балта шаарынын «Кара-Балта» клубунун оюнчулары кечээ, 5-июлда Ош шаарындагы Акматбек Сүйүнбаев стадионунда кездешти. Оюндун биринчи таймынын 12-мүнөтүндө эле коноктордун активдүү чабуулунун натыйжасында «Кара-Балта» клубунун чабуулчусу Атай Жакыпбаев алгачкы голду киргизди.

Биринчи таймда тараптар мындан башка гол киргизе алышкан жок. Оюндун экинчи жарымында эки тарап тең чабуулга аракет кылып жатышты. Качан гана убакыт 72-мүнөткө барганда үй ээлеринин чабуулчусу Амуриддин Шарифи «Алайдын» эсебине оюндагы биринчи голду жазды. Ал эми арадан 3 мүнөт өткөндөн кийин, тактап айтканда 75-мүнөттө «Алай» клубунун жарым коргоочусу Элдияр Сардарбеков айып аянтчадан топту таамай тээп, дагы бир гол жаратты. Ал командага «Абдыш-Ата» клубунан жаңы гана кошулган.

Оюндун жыйынтыгында үй ээлери конокторду 2:1 эсебинде жеңди.

Эми кийинки оюнду «Алай» менен «Кара-Балта» командаларынын оюнчулары Кара-Балтадагы стадиондо өткөрөт. Анын жыйынтыгында жеңишке жеткен тарапка кийинки турга чыгуу мүмкүнчүлүгү берилет.


Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×