Бөлүмдөр
Дүйшөмбү, 24-сентябрь
Ош облусу, Ош 27.06.2018 13:11 Жаңыланды: 27.06.2018 13:42 На русском

3 жаштан 12 жашка чейинки балдардын таймашы: Ошто кичинекей ханзаада менен ханыша аныкталды (фото)

Turmush -  Ош шаарында «Оштун кичинекей ханзаадасы жана ханышасы» сынагы уюштурулду. Анын жыйынтыгы менен 3 жаштагы Алинур Мырзабеков менен 7 жаштагы Жасмина Шарапова жеңүүчү деп табылды, деп билдирди аймактык кабарчы.

Иш-чараны уюштурган Баел Матисаковдун айтымында, бул сынакка облус аймагынан 35 талапкер катышып, анын ичинен 10 катышуучу келбети, өзүн алып жүрүшү жана таланты менен тандалып алынган. Ал эми финалдык тур 3 жаштан 8 жашка чейинкилер арасында өзүнчө, 8 жаштан 12 жашка чейин балдар арасында өзүнчө өттү.

Алгач балдар лимузин менен келип, кызыл килемден өтүштү. Андан кийин саламдашуу, бийлөө, мода көрсөтүү жана башка тапшырмаларды аткарып, жыйынтыгында 8 жаштагы Нурсултан Мамажанов менен 11 жаштагы Мырзайым Абдуллаева жеңишке жетти.

Ал эми кенже курактагылар арасында 3 жаштагы Алинур Мырзабеков менен 7 жаштагы Жасмина Шарапова баш байгенин ээси болушту. Жеңүүчүлөргө баалуу белектер менен бирге республикалык турга жолдомо тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×