Бөлүмдөр
Бейшемби, 18-октябрь
Нарын облусуНарын району 13.06.2018 12:07

Нарындын Миң-Булак айылынын дайынсыз жоголгон тургуну Бишкектен табылды (фото)

Turmush -  Нарын районуна караштуу Миң-Булак айылынын 55 жаштагы тургуну Өмүрбек Баймоңолов үйүнөн чыгып кеткен боюнча дайынсыз жоголуп, Бишкек шаарынан аман-эсен табылды. Бул тууралуу аймактык кабарчыга Нарын РИИБден билдиришти.

Аталган түзүмдүн маалыматына караганда, Өмүрбек Баймоңолов Бишкектеги бир тууган карындашынын үйүнө кетип калган.

«Аталган тургун ушул жылдын 10-июнунда түшкү саат 14:30 чамасында үйүнөн чыгып кеткен боюнча кайра кайрылып келген эмес. Мындан улам анын туугандары Нарын РИИБге кайрылып, издөө боюнча арыз жазышкан. Андан көп өтпөй 12-июнда ал Бишкек шаарындагы бир тууган карындашынын үйүнө кетип калгандыгы белгилүү болгон.

Өмүрбек Баймоңолов психикалык жактан жабыркап келгендигине байланыштуу туугандары Бишкектен дарылантып, аны шаарда убактылуу карап турушат», - деп айтылат маалыматта.

Буга чейин Нарын районуна караштуу Миң-Булак айылынын 55 жаштагы тургуну Өмүрбек Баймоңолов үйүнөн чыгып кеткен боюнча дайынсыз болуп жаткандыгы тууралуу маалымдалган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×