Бөлүмдөр
Дүйшөмбү, 22-октябрь
Ысык-Көл облусуТоң району 12.06.2018 11:09 На русском

Изделип жаткан режиссер Ш.Раяпов үйүндөгү түшүнбөстүктөн кийин дайынсыз болгон

Turmush -  Ысык-Көлдүн Кажы-Сай айылындагы Капчыгай жайлоосунда изделип жаткан режиссер-дизайнер Шамир Раяпов үй-бүлөсүндөгү пикир келишпестиктерден кийин дайынсыз болгон. Бул тууралуу Turmush басылмасына өздүк булактар билдиришти.

Маалыматка караганда, Кажы-Сай айылы жакта Ш.Раяповдун атасына таандык эс алуучу коттедждер болгон.

«Изделип жаткан жарандын апасы уулу Кажы-Сайда болушу мүмкүн экендигин айткан. Себеби 1 жыл мурун үйүндө түшүнбөстүктөр болуп, баласы Кажы-Сай айылына кетип калган. Быйыл дагы баласы менен өз ара түшүнбөстүктөр болгондон кийин дайынсыз болуп кеткен. Апасы уулу быйыл дагы Кажы-Сайга кетиши мүмкүн деген билдирүүдөн кийин жайлоодо издөө иштери башталды», - деп билдиришти.

Буга чейин ӨКМдин басма сөз кызматы режиссер-дизайнер Шамир Раяповду куткаруучулар Ысык-Көлдүн Кажы-Сай айылындагы Капчыгай жайлоосунан издеп жатышкандыгын маалымдаган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×