Бөлүмдөр
Ишемби, 20-октябрь
Баракелде, Бишкек 11.06.2018 17:20 На русском

Бишкекте уюшкан кылмыштуу топтун лидеринин жансакчысынан курал табылды, - ИИМ

Turmush -  Бишкек шаарында милиция кызматкерлери тарабынан мыйзамсыз курал сактоого шектелген адам кармалды. Бул тууралуу бүгүн, 11-июнда ИИМдин басма сөз кызматы билдирди.

Маалыматка караганда, ушул жылдын май айынын ортосунда ИИМдин Криминалдык милиция кызматынын 3-башкармалыгынын кызматкерлери Октябрь РИИБдин тергөө кызматы менен бирге Кылмыш-жаза кодексиндеги 168-берененин негизинде териштирилип жаткан кылмыш иштин алкагында 1987-жылы туулган К.Р.нын үйүндө тинтүү жүргүзгөн. Ал уюшкан кылмыштуу топтун лидеринин айдоочу-жансакчысы экени аныкталган.

Шектүүнүн үйүн текшерүү учурунда балдардын бөлмөсүндөгү шкафтын ичинен «Сайга-410» үлгүсүндөгү курал 2 ок кутусу жана 15 огу менен табылды. Мындан тышкары темир кол курал (кастет) жана бычак табылып алынды. Ал эми шектүүнүн баштыгында (борсетка) жеке күзөт ишканасына таандык ИЖ-71 тапанчасы болгон.

Бул факты боюнча Кылмыш-жаза кодексиндеги 241-берененин 4-бөлүгүнүн (ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү) негизинде кылмыш иш козголуп, териштирүү иштери жүрүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×