Бөлүмдөр
Жекшемби, 16-декабрь
Чүй облусуАламүдүн району 11.06.2018 15:24

Алтынбек Намазалиев Аламүдүн районунун акими болуп дайындалды

Turmush -  Намазалиев Алтынбек Абдисаламович Аламүдүн райондук мамлекеттик администрациясынын башчысы болуп дайындалды. Тиешелүү буйрукка премьер-министр Мухаммедкалый Абылгазиев кол койду.

Бул кызматта Чодуров Касымбек Жалилович иштеп жаткан.

А.Намазалиев буга чейин Бишкек шаарындагы прокуратурада өзгөчө маанилүү иштер боюнча тергөөчү болуп иштеп келген. 2014-жылы сентябрдан баштап Чүй облусунун Чүй районунда прокурордун орун басары, ушул эле жылдын 24-сентябрынан тартып Чүй облусунун Жайыл районунда прокурордун орун басары болуп дайындалган. 2016-жылдын 16-декабрынан баштап Жайыл районунда прокурордун милдетин убактылуу аткаруучу болгон.

Башкы прокуратуранын басма сөз кызматынын маалыматына караганда, А.Намазалиев Кара-Балта шаарындагы «Азия-2» базарынын соодаргерлеринин шайлоочулардын конституциялык укуктарынын бузулушу жөнүндө жамааттык арызы боюнча Жайыл РИИБдеги материалга талаптагыдай прокурордук көзөмөл болгон эмес деген жүйөө менен кызматынан бошотулган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×