Бөлүмдөр
Бейшемби, 19-июль
Ысык-Көл

Караколдо дзюдо боюнча эл аралык мелдештин жеңүүчүлөрү аныкталды (фото)

Turmush -  Каракол шаарында өспүрүмдөр арасында дзюдо боюнча эл аралык мелдеш өттү. Бул тууралуу уюштуруучулар билдиришти.

Мелдеш эл аралык класстагы КРнын жана СССРдин спорт чебери, дзюдо боюнча дүйнөнүн 3 жолку чемпиону Жаркынбек Шамбетовдун урматына арналып, ага Россия, Казакстан жана Кыргызстандын аймактарынан 200гө жакын балбан катышты.

Мелдештин ачылыш аземинде Ж.Шамбетовго Ак-Суу районунун «Ардактуу атуулу» наамы тапшырылды. Ал өз кезегинде балдарды куттуктап, белектерин берип, спорт тармагындагы ийгиликтеринин сыры менен бөлүштү.

Ысык-Көл облустук дене тарбия, спорт жана жаштар департаментинин маалыматына караганда, мелдештин жыйынтыгында биринчи орунду Россия Федерациясынын спортчулары, экинчи орунду Казакстандын дзюдочулары, ал эми 3-орунду Кыргызстандын командасы алды. Жеңүүчүлөргө кубок жана медалдар таршырылган.

Мелдешти КР Дзюдо федерациясы, шаардык мэрия, Кара-Жал айыл аймагы, облустук дене тарбия, спорт жана жаштар иштери боюнча департаменти уюштурду.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 749
Комментарии
Для добавления комментария необходимо быть нашим подписчиком
Көп окулду
×