Бөлүмдөр
Жума, 16-ноябрь
Нарын облусу, Нарын 07.06.2018 08:49

Нарында «Мен чекпейм, сен да ташта» акциясы уюштурулду (фото)

Turmush -  Нарын шаарында «Мен чекпейм, сен да ташта» акциясы өткөрүлдү. Бул тууралуу аймактык кабарчы билдирди.

Маалым болгондой, аталган иш-чараны ден соолук кабинети жана шаардык аялдар кеңеши Нарын медициналык колледжинин студенттери менен биргелешип уюштурду. Акциянын жүрүшүндө студенттер чылымдын зыяндуулугу туурасында үгүт-чакырыктарды көтөрүп алышып, борбордук базардан баштап Нарын шаардык мэриясына чейинки аралыкка жөө жүрүш жасашты. Чылым чеккендер менен жолугушуп, анын адам өмүрүнө алып келүүчү зыяндары тууралуу маалымат беришти. Ошондой эле, үгүт-баракчаларын таркатышып, ар кандай суроо-жооп анкеталарды толтурушту. Акциянын аягында чогултулган тамекинин калдыктарын таштанды таштоочу жайга алып барып өрттөштү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×