Бөлүмдөр
Ишемби, 20-октябрь
Нарын облусу, Нарын 17.05.2018 08:05

Ат-башылык футболчулар облустук мелдеште жеңүүчү аталышты (фото)

Turmush -  Нарын шаарында «Дени сак улут — өнүккөн өлкө» дегени ураандын алкагында айыл жаштарынын арасында спорттун 7 түрү боюнча өткөн облустук мелдеште ат-башылык спортчулар футболдук беттеште 1-орунду камсыз кылышты, деп билдирди аймактык кабарчы.

Маалым болгондой, футболдук мелдешке Ат-Башы, Ак-Талаа, Кочкор, Жумгал, Нарын райондорунан келишкен айыл жаштарынан куралган командалар катышты. Эки күнгө созулган мелдеште айыл жаштары өздөрүнүн спортко болгон жөндөмдүүлүктөрүн көрсөтүшүп, күйөрмандарга кызыктуу оюн тартуулашты.

Оюндун жыйынтыгында Ат-Башы районунан келген айыл жаштарынын курама командасы бардык атаандаштарын жеңип, мелдештин жеңүүчүсү болду. Ал эми 2-орунду Ак-Талаа, 3-орунду Жумгал районунун командалары ээлешти. Жеңүүчүлөр Нарын облустук жаштар иштери, дене тарбия жана спорт башкармалыгынын тиешелүү даражадагы дипломдору жана медалдары менен сыйланышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×