Бөлүмдөр
Дүйшөмбү, 22-октябрь
Ысык-Көл облусуАк-Суу району 16.05.2018 16:11

Ак-Сууда жарандык коргонуунун абалы комплекстүү текшерилүүдө (фото)

Turmush -  Бүгүн, 16-майда Ак-Суу районунда жарандык коргонуу боюнча окуу өттү. Бул тууралуу аймактык кабарчы билдирди.

Окууда ар түрдүү мүнөздөгү өзгөчө кырдаалга райондун жарандык коргонуу кызматтарынын даярдыгы текшерилди. Иш-чарага өкмөттүн облустагы өкүлчүлүгүнүн өкүлү Кабылбек Усенбаев, ӨКМдин облустагы башкармалыгынын башчысы, полковник Зарылбек Жумагазиев баш болгон офицерлер, Ак-Суу районунун акими Улан Дөкөнбаев катышты.

З.Жумаказиевдин айтуусунда, иш-чара даярдык пландын негизинде 3 жылда бир болот.

«Бүгүн калкты жана чарбалык комплексти коргоого жана анын даярдыгын өркүндөтүү негизинде комплекстүү текшерүү жүрүүдө. Ага ӨКМдин Ысык-Көл облустук башкармалыгынын бардык офицерлери келишкен. Анда жарандык коргонуу бөлүмүндөгү иш кагаздардан баштап өзгөчө кырдаалды кабарлоо, ыкчам иштөөгө даярдык каралат», - деди ал.

Аким Улан Дөкөнбаевдин айтуусунда, райондо жарандык коргонуу кызматтары өз милдеттерин так аткарып, ар кандай кырдаалга даяр турат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×