Бөлүмдөр
Жекшемби, 22-июль
Талас

Айыл турмушу: Таластык тарбиячы К.Капарова Түркияга барып, кесиптик тажрыйба топтоп келген (фото)

Turmush -  Талас районунун Кум-Арык айылынын 35 жаштагы тургуну Канышай Капарова 6 жылдан бери «Байчечекей» бала бакчасында тарбиячы болуп эмгектенүүдө. Аймактык кабарчы аны менен таанышты.

Өзүнүн айтымында, кесиби кыргыз тили жана адабияты боюнча адис.

«Мен Алай районунун Кабылан-Көл айылынын кызымын. 2009-жылы И.Арабаев атындагы университеттин кыргыз тили жана адабият бөлүмүн аяктагам. Алгач гезитте, теледе иштеп жүрдүм. 2008-жылы Талды-Булак айылына келин болуп келдим. Бирок азыр Кум-Арык айылында жашайбыз. Турмушка чыккандан кийин балдарымды чоңойтуп, алар менен бала бакчага жумушка кирдим. Өзүмдүн кесибим башка болсо дагы 6 жыл ичинде бир топ тажрыйба топтодум. Балдар менен иштеп жатып, убакыттын кантип өткөнүн байкабайсың.

Биздин бала бакча ар кандай сынактарга активдүү катышып, алдыңкы орундарды ээлеп келет. 2017-жылдын ноябрь айында «Бешик ыры» аттуу сынакка катышып, облус ичинен жеңип чыгып, республикалык туруна катыштым. Ал жактан да 1-орунду алдым. «Бешик ырынын» сөзүн өзүм жазып, обонун да өзүм чыгаргам. Былтыр Түркиянын Стамбул шаарында тажрыйба топтоп келдим. Ал жакка февраль айында барып, 2 жума бою семинарларга катышып, бала бакчалары менен тааныштык. Кооз жерлерге барып саякаттадык», - деди ал.

Тарбиячы айым жолдошу менен 2 баланын өстүрүп жатышат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1548
Комментарии
Для добавления комментария необходимо быть нашим подписчиком
Көп окулду
×