Бөлүмдөр
Дүйшөмбү, 24-сентябрь
Талас облусуТалас району 13.04.2018 18:22 На русском

Эгиздер: Айжан менен Гүлжанды чоң атасы айырмалай албай ким экенин сурай берчү (фото)

Turmush -  Талас районунун Орто-Арык айылында чоңойгон 19 жаштагы Айжан менен Гүлжан Эмилбековаларды мектептен мугалимдери айырмалай албай калчу. Аймактык кабарчы эгиздер менен таанышты.

Гүлжандын айтымында, азыр өзү Кыргызстан эл аралык университетинин 1- курсунун студенти. Айжан болсо Кыргыз-Орус Славян университеттинин педиатрия бөлүмүнүн 2-курсунун студенти.

«Эгизим Айжан менден 5 мүнөт эрте төрөлгөн. Айжандын мүнөзү оор, бирок ак көңүл, мага караганда жоош. Мени көпчүлүк бышык дешет. Кичинекей кезибизде чоң атам кимибиз ким экенин билбей «Айжан, Гүлжан» деп экөөбүздүн атыбызды чогуу айтып чакырчу. Келгенде «Айжансыңбы же Гүлжансыңбы?» деп сурай берчү.

Мектепте экөөбүз 2 башка класста окучубуз. Бир жолу мугалимдер бизди тааныйбы же жокпу текшерип көрүүнү чечтик. Мен анын сабагына, ал менин сабагыма кирди. Мугалимдер эмес, керек болсо классташтарыбыз дагы байкашкан эмес (күлүп).

Кичине кезибизде экөөбүз аябай окшош болчубуз. Азыр айрымдар эже-сиңди деп ойлошот. Келечекте мыкты прокурор болсом жана дүйнө кыдырып, башка элдин салтын, жерин көрүп келсем дейм.

Айжан окуусун ийгиликтүүаяктап, менчик косметологиялык салон ачууну каалайт», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×