Бөлүмдөр
Жума, 17-август
Ысык-Көл

Ысык-Көлдө дагы бир коттедж өрттөндү (фото)

Turmush -  Ысык-Көл облусунун Ысык-Көл районундагы Булан-Сөгөттү айылында жайгашкан «Аврора» пансионатындагы коттедж өрттөндү. Өрт бүгүн, 13-февралда саат 08:45 чамасында чыккан.

Айтылган дарекке 2 бөлүм жөнөтүлүп, саат 09:21де өрт чектөөгө алынган. Саат 09:45те өрт толук өчүрүлдү, деп билдирди ӨКМдин басма сөз кызматы. Алдын ала маалыматтар боюнча, адамдар жабыркаган жок. Өрткө электр зымдарын туташтырууда коопсуздук эрежелердин бузулушу себеп болгон.

Ысык-Көлдүн аймагында акыркы жумада бир нече коттеджде өрт чыкканы маалымдалды. 10-февралда саат 14:25 чамасында Ысык-Көл районунун Кош-Көл айылында «Кыргызавтомаш» пансионатына тиешелүү коттедж толугу менен күйүп кеткен болчу.

Өрттү өчүрүүгө ӨКМдин №32 өрт-куткаруу бөлүмүнөн 2 бөлүм тартылып, саат 20:30да толугу менен өчүрүлдү. Коттедждин жалпы 210 чарчы метри күйгөн. Учурда өрттүн себептери такталып жатат.
Ошондой эле, «Фламинго» ЖЧКнын пансионатынын короосунда жайгашкан коттедж өрттөнүп, анын кесепетинен кароолчу — 1977-жылы туулган А.В. (эркек киши) көз жумду. ӨКМдин маалыматы боюнча, өрт 10-февралда саат 18:35 чамасында чыккан.
Өрттү өчүрүүгө 2 бөлүм жөнөтүлүп, саат 20:25 чамасында чектөөгө алынып, саат 23:20да толугу менен өчүрүлгөн. Жалпысынан 120 чарчы метр аянт өрттөндү. Учурда кырсыктын чоо-жайы такталып жатат.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1264
Комментарии
Для добавления комментария необходимо быть нашим подписчиком
Көп окулду
×