Бөлүмдөр
Шаршемби, 17-октябрь
Чүй облусуЫсык-Ата району 12.01.2018 13:18

Ысык-Атада мугалимдер арасындагы спартакиаданын жеңүүчүлөрү аныкталды (фото)

Turmush -  Чүй облусунун Ысык-Ата районунда 3 күнгө созулган мугалимдер арасындагы спартакиада жыйынтыкталды. Анын жыйынтыгында тайпалык эсепте 1-орунду «Сын-Таш» курама тайпасы жеңип алган. Бул тууралуу аймактык кабарчы билдирди.

Ысык-Ата райондук билим берүү бөлүмүнүн жетекчиси Болот Иманалиевдин айтымында, аталган спартакиада жыл сайын өткөрүлүп турат.

«Бүгүн 3 күнгө созулган мугалимдер арасындагы спартакиада жыйынтыкталды. Кышкы эс алуу күндөрү Кеңеш орто мектебинде салтка айланган мугалимдер спартакиадасы старт алган эле. 3 күн мугалимдер арасында футбол, волейбол, теннис, шахмат, тогуз коргоол жана дартс боюнча спорттук таймаш болду. Районубуздагы мугалимдер 4 зонага бөлүнүп, курама тайпалар арасында күчтүүлөрдү аныкташты.

Аягында тайпалык эсепте 1-орунду «Сын-Таш» курама тайпасы, 2-орунду «Ивановка» курама тайпасы, ал эми 3-орунду «Кант» тайпасы ээледи. Жеңүүчүлөр сыйлуу белектер, кубок, дипломдор менен сыйланышты», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×