Бөлүмдөр
Шаршемби, 17-октябрь
Нарын облусу 19.12.2017 16:47 На русском

Нарында 2017-жылдын мыкты дарыгерлери сыйланды (фото)

Turmush -  Нарын облусунда 2017-жылдын мыкты дарыгерлери аныкталды. Дарыгерлерди сыйлоо аземи 16-декабрь күнү болгонун Саламаттыкты сактоо министрлигинин басма сөз кызматы билдирди.

Маалым болгондой, иш-чараны «Нарындын жаш дарыгерлери» тобу уюштурду.

Сыйлык алган дарыгерлердин тизмеси:

- «Терапевтикалык профилдеги мыкты дарыгер» — Нарын облустук бириктирилген ооруканасынын терапия бөлүмүнүн жетекчиси Ырыскүл Кусормамбетова;

- «Хирургия профилиндеги мыкты дарыгер» — Бейшен Исмаилов;

- «2017-жылдын мыкты жаш дарыгери» — Самат Асаналиев;

- «Дарт аныктоо профилиндеги мыкты дарыгер» — Нурлан Шалтаев;

- «Медицинага берилгендиги үчүн» — Батма Сарыгулова;

- «Бөлүмдүн мыкты жетекчиси» — Кудабай Кошумбаев;

- «Мыкты бөлүм» — жандандыруу бөлүмү.

Нарын облустук бириктирилген ооруканасынын директору Муратбек Атбаевдин айтымында, аталган иш-чара Кыргызстанда биринчи жолу өтүп жатат. «Иш-чараны «Нарындын жаш дарыгерлери» тобу уюштурганы өзгөчө кубандырат. Топ бул ооруканага акыркы 3 жылдын аралыгында келген 16 жаш адистен түзүлгөн. Кардиология боюнча 2 жана урология боюнча 1 адис кандидаттык диссертация жазып жатат. Учурда ооруканада 8 клиникалык ординатор эмгектенет. Жергиликтүү бийликтин, администрациянын саламаттыкты сактоо уюмдарынын колдоосу жана жаштардын өздөрүнүн активдүү ишмердүүлүгү аймакка жаш кадрларды тартууда маанилүү роль аткарат», - деди ал.

Иш-чарага өкмөттүн Нарын облусундагы ыйгарым укуктуу өкүлүнүн орун басары Ж.Ибраева, шаардын вице-мэри Н.Молдокадыров, Кыргызстандын «Жаш дарыгерлер ассоциациясынын» төрагасы Элзар Токтоназаров жана башкалар катышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×