Бөлүмдөр
Бейшемби, 19-июль
Баткен

Лейлектеги кырсыктан жабыркагандар ооруканада жатышат

Turmush -  Кечээ, 14-ноябрда Лейлек районунун Тогуз-Булак айылындагы унаа кырсыктан жабыркаган 8 адам Исфанадагы ооруканада дарыгерлеринин көзөмөлүндө болуп жатат. Бул тууралуу башкы дарыгердин орун басары Айбек Гадайбаев билдирди.

Анын айтымында, 8 адамдын ичинен жетөөсү сыныктар бөлүмүнө жаткырылган. Жандандыруу бөлүмүндө жаткан Кызыл-Кыя шаарынын 1966-жылы туулган тургуну Б.Өмүркандын абалы оор бойдон калууда. Анын мээсине кан уюп калгандыктан 14-ноябрь күнү кечинде башына атайын операция жасалды.

Кырсыкка кабылган унаалар

Окуя тууралуу:

Кечээ, 14-ноябрда Лейлек—Исфана унаа жолундагы кырсыктан 3 адам каза болуп, 8 адам оор жаракат алгандыгы белгилүү болгон.

Маалыматка караганда, кырсык эртең менен саат 08:00 чамасында Лейлек районунун Тогуз-Булак айылында катталып, «Хонда Степвагон» үлгүсүндөгү унаа менен «Жигули» үлгүсүндөгү унаа кагышкан. Кырсыктын кесепетинен 3 адам ошол жерде каза болуп, 8 адам Исфана аймактык ооруканасына жеткирилди. Алардын төртөө жандандыруу бөлүмүнө жаткырылып, учурда операциялар жасалып жатат.

Кийинчерээк кырсыктан жабыр тарткандардын ысымдары белгилүү болгон:

- И.Шааркан, 1980-жылы төрөлгөн, Кызыл-Кыя шаарынын тургуну, жандандыруу бөлүмүндө жатат;

- А.Исламбек, 2012-жылы төрөлгөн, Кызыл-Кыя шаарынын тургуну, жандандыруу бөлүмүндө жатат;

- Б.Өмүркан, 1966-жылы төрөлгөн, Кызыл-Кыя шаарынын тургуну, жандандыруу бөлүмүндө жатат;

- У.Башарат, 1967-жылы төрөлгөн, Өзбекстандын Гулистан шаарынын тургуну, жандандыруу бөлүмүндө жатат;

- У.Атабек, 1998-жылы төрөлгөн, Өзбекстандын Гулистан шаарынын тургуну, травматология бөлүмүндө жатат;

- Ж. кызы Жаркынай, 1999-жылы төрөлгөн, Кызыл-Кыя шаарынын тургуну, травматология бөлүмүндө жатат;

- Н.Нурболсун, 2013-жылы төрөлгөн, Лейлек районунун Самат айылынын тургуну, травматология бөлүмүндө жатат;

- Н.Урматай, 1967-жылы төрөлгөн, Лейлек районунун Самат айылынын тургуну, травматология бөлүмүндө жатат;

Каза болгондор:

- М.Муса, 1986-жылы төрөлгөн, Лейлек районунун Маданият айылынын тургуну, унааны айдап бара жаткан. Кырсык болгон жерде мерт болгон;

- А.Шермамат, 1987-жылы төрөлгөн, кырсык болгон жерде мерт болгон;

- Х.Хусанбай, 1948-жылы төрөлгөн, Өзбекстандын Сардоба айылынын тургуну, кырсык болгон жерде мерт болгон.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 4069
Комментарии
Для добавления комментария необходимо быть нашим подписчиком
Көп окулду
×